ଭୁବନେଶ୍ୱର, ୧୪ ସେପ୍ଟେମ୍ବର ୨୦୨୬, ସିଂହନାଦ (SIMHANAAD): ବାଲେଶ୍ୱରରୁ ଉଦ୍ଧାର ହୋଇ ନନ୍ଦନକାନନ ଜୁଲୋଜିକାଲ୍ ପାର୍କରେ ରଖାଯାଇଥିବା ୫ଟି ଶିଶୁ ଓରାଙ୍ଗଉଟାନଙ୍କ ମଧ୍ୟରୁ ଜଣେ ଅସୁସ୍ଥ ହୋଇଛି। ଶିଶୁ ଓରାଙ୍ଗଉଟାନଟିକୁ ଜ୍ୱର ହୋଇଥିବାରୁ ଭେଟେରିନାରୀ ଟିମ୍ ତାହାକୁ ନିରନ୍ତର ନିରୀକ୍ଷଣରେ ରଖି ଚିକିତ୍ସା କରୁଛନ୍ତି।
ସୂଚନା ଅନୁସାରେ, ନୂଆ ପରିବେଶକୁ ଖାପ ଖୁଆଇବା, ଯାତ୍ରାଜନିତ ଚାପ କିମ୍ବା ଅନ୍ୟ କୌଣସି କାରଣରୁ ଏହି ସ୍ୱାସ୍ଥ୍ୟ ସମସ୍ୟା ହୋଇଥାଇପାରେ ବୋଲି ବିଶେଷଜ୍ଞମାନେ ବିଚାର କରୁଛନ୍ତି। ତେବେ ଅସୁସ୍ଥତାର ନିର୍ଦ୍ଦିଷ୍ଟ କାରଣ ନେଇ ଅଧିକ ତଥ୍ୟ ଅପେକ୍ଷାରତ।
ଅନ୍ୟ ୪ଟି ଶିଶୁ ଓରାଙ୍ଗଉଟାନଙ୍କ ସ୍ୱାସ୍ଥ୍ୟାବସ୍ଥା ମଧ୍ୟ ନନ୍ଦନକାନନ କର୍ତ୍ତୃପକ୍ଷଙ୍କ ନଜରରେ ରହିଛି। ସେମାନଙ୍କ ଯତ୍ନ ଓ ଖାଦ୍ୟପାନୀୟ ବ୍ୟବସ୍ଥା ପାଇଁ ସ୍ୱତନ୍ତ୍ର କେୟାରଟେକର୍ ଓ ଭେଟେରିନାରୀ ଟିମ୍ ନିୟୋଜିତ ଅଛନ୍ତି।
ଏପଟେ, ବାଲେଶ୍ୱର ଜଙ୍ଗଲରେ ଏହି ଓରାଙ୍ଗଉଟାନମାନେ କିପରି ପହଞ୍ଚିଲେ, ତାହାକୁ ନେଇ ତଦନ୍ତ ଜାରି ରହିଛି। ଘଟଣାର ପ୍ରକୃତ ପୃଷ୍ଠଭୂମି ତଦନ୍ତ ପରେ ଅଧିକ ସ୍ପଷ୍ଟ ହେବ।
Thanks for reading: ନନ୍ଦନକାନନରେ ଶିଶୁ ଓରାଙ୍ଗଉଟାନ ଅସୁସ୍ଥ; ଜ୍ୱରରେ ଚିକିତ୍ସା ଜାରି, Sorry, my English is bad:)