ନୂଆଦିଲ୍ଲୀ, ୧୫ ଅଗଷ୍ଟ ୨୦୨୬ | ସିଂହନାଦ (SIMHANAAD): ୮୦ତମ ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ଦେଶବାସୀଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତକୁ ଏକ ବିକଶିତ ଓ ଆତ୍ମନିର୍ଭର ରାଷ୍ଟ୍ରରେ ପରିଣତ କରିବା ଲକ୍ଷ୍ୟ ଉପରେ ଜୋର ଦେଇଛନ୍ତି। ଦେଶର ଆର୍ଥିକ ବିକାଶ, କୃଷି, ପ୍ରଯୁକ୍ତି, ପ୍ରତିରକ୍ଷା, ଶିଳ୍ପ, ଯୁବଶକ୍ତି ଓ ମହିଳା ସଶକ୍ତୀକରଣକୁ ଆଗେଇ ନେବା ପାଇଁ ସରକାରଙ୍କ ପ୍ରାଥମିକତା ସମ୍ପର୍କରେ ସେ ଉଲ୍ଲେଖ କରିଛନ୍ତି।
ଯୁବବର୍ଗ ପାଇଁ ମାଗଣା ଅନଲାଇନ୍ କୋଚିଂ
ପ୍ରତିଯୋଗିତାମୂଳକ ପରୀକ୍ଷା ପାଇଁ ମହଙ୍ଗା କୋଚିଂ ନେବାରେ ଅସମର୍ଥ ଗରିବ ଓ ମଧ୍ୟବିତ୍ତ ପରିବାରର ଛାତ୍ରଛାତ୍ରୀଙ୍କୁ ସହାୟତା ପାଇଁ ମାଗଣା ଅନଲାଇନ୍ କୋଚିଂ ବ୍ୟବସ୍ଥା ସମ୍ପର୍କରେ ପ୍ରଧାନମନ୍ତ୍ରୀ ଘୋଷଣା କରିଛନ୍ତି। ଏହା ଯୁବପିଢ଼ିଙ୍କୁ ପ୍ରତିଯୋଗିତାମୂଳକ ପରୀକ୍ଷାରେ ସମାନ ସୁଯୋଗ ଦେବାରେ ସହାୟକ ହେବ ବୋଲି ଆଶା କରାଯାଉଛି।
ମହିଳାଙ୍କ ରାଜନୈତିକ ଭାଗିଦାରି ଉପରେ ଗୁରୁତ୍ୱ
ମହିଳାଙ୍କ ରାଜନୈତିକ ପ୍ରତିନିଧିତ୍ୱ ବଢ଼ାଇବା ଦିଗରେ ୩୩ ପ୍ରତିଶତ ସଂରକ୍ଷଣକୁ ଶୀଘ୍ର କାର୍ଯ୍ୟକାରୀ କରିବା ନେଇ ପ୍ରଧାନମନ୍ତ୍ରୀ ରାଜନୈତିକ ଦଳଗୁଡ଼ିକୁ ଆହ୍ୱାନ କରିଛନ୍ତି।
ଭାରତୀୟ ଫାର୍ମା କ୍ଷେତ୍ରକୁ ଆହୁରି ଶକ୍ତିଶାଳୀ କରିବା ଲକ୍ଷ୍ୟ
ଭାରତୀୟ ଔଷଧ ଶିଳ୍ପକୁ ବିଶ୍ୱସ୍ତରରେ ଆହୁରି ଶକ୍ତିଶାଳୀ କରିବା ସହ ଭାରତୀୟ ଫାର୍ମା କମ୍ପାନୀଗୁଡ଼ିକୁ ବିଶ୍ୱର ଅଗ୍ରଣୀ କମ୍ପାନୀ ମଧ୍ୟରେ ସ୍ଥାନ ଦେବା ଉପରେ ମଧ୍ୟ ସେ ଗୁରୁତ୍ୱାରୋପ କରିଛନ୍ତି।
‘ବିକଶିତ ଭାରତ’ ପାଇଁ ସପ୍ତଧାରା
ନିର୍ମାଣ, କୃଷି ଓ ଖାଦ୍ୟ ପ୍ରକ୍ରିୟାକରଣ, ପ୍ରଯୁକ୍ତି, ଗତିଶକ୍ତି, ପ୍ରତିରକ୍ଷା, ଗ୍ରୀନ୍-ବ୍ଲୁ ଇକୋନୋମି ଓ ସଫ୍ଟ ପାୱାର ଭଳି କ୍ଷେତ୍ରକୁ ନେଇ ‘ସପ୍ତଧାରା’ ଭିଜନ୍ ମାଧ୍ୟମରେ ଭାରତର ଆଗାମୀ ବିକାଶ ଦିଗ ସମ୍ପର୍କରେ ପ୍ରଧାନମନ୍ତ୍ରୀ ଗୁରୁତ୍ୱ ଦେଇଛନ୍ତି।
ସିଂହନାଦ (SIMHANAAD) ଡେସ୍କ।
Thanks for reading: ଭାରତର ୮୦ତମ ସ୍ୱାଧୀନତା ଦିବସ: ଲାଲକିଲ୍ଲାରୁ ପ୍ରଧାନମନ୍ତ୍ରୀଙ୍କ ବଡ଼ ବାର୍ତ୍ତା, Sorry, my English is bad:)