ଲାଞ୍ଜିଗଡ଼, କଳାହାଣ୍ଡି, ୯ ଅଗଷ୍ଟ ୨୦୨୬ (SIMHANAAD): କଳାହାଣ୍ଡି ଜିଲ୍ଲାର ଲାଞ୍ଜିଗଡ଼ ଅଞ୍ଚଳର ୨୩ଟି ଗାଁର ୪୦୦ରୁ ଅଧିକ ଚାଷୀଙ୍କୁ ସୁରକ୍ଷିତ କୃଷି ରସାୟନ ବ୍ୟବହାର ଓ ସ୍ଥାୟୀ କୃଷି ପଦ୍ଧତି ସମ୍ପର୍କରେ ପ୍ରଶିକ୍ଷଣ ଦିଆଯାଇଛି। ବେଦାନ୍ତ ଆଲୁମିନିୟମର ‘ପ୍ରୋଜେକ୍ଟ ସଙ୍ଗମ’ ଅଧୀନରେ ଏହି ସଚେତନତା ଓ ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜିତ ହୋଇଛି।
ପ୍ରଶିକ୍ଷଣରେ ଚାଷୀମାନଙ୍କୁ ଉଚ୍ଚ ବିପଦପୂର୍ଣ୍ଣ ସାର ଓ କୀଟନାଶକର ସୁରକ୍ଷିତ ବ୍ୟବହାର, ସଂରକ୍ଷଣ, ପରିବହନ ଓ ନଷ୍ଟ କରିବା ପ୍ରଣାଳୀ ବିଷୟରେ ସୂଚନା ଦିଆଯାଇଥିଲା। କୃଷି କାର୍ଯ୍ୟ ସମୟରେ Personal Protective Equipment (PPE) ବ୍ୟବହାରର ଗୁରୁତ୍ୱ ଉପରେ ମଧ୍ୟ ଚାଷୀମାନଙ୍କୁ ସଚେତନ କରାଯାଇଛି।
କାର୍ଯ୍ୟକ୍ରମରେ କୀଟନାଶକ ଓ ସାରର ବୈଜ୍ଞାନିକ ପ୍ରୟୋଗ ପ୍ରଣାଳୀ ସହ ଜରୁରୀ ପରିସ୍ଥିତିରେ ଗ୍ରହଣ କରିବାକୁ ଥିବା ସୁରକ୍ଷାମୂଳକ ପଦକ୍ଷେପ ନେଇ ପ୍ରାୟୋଗିକ ପ୍ରଦର୍ଶନ ମଧ୍ୟ କରାଯାଇଥିଲା। ଚୟନିତ Farmers’ Field School ସଦସ୍ୟମାନଙ୍କୁ ସୁରକ୍ଷା ସାମଗ୍ରୀ ମଧ୍ୟ ପ୍ରଦାନ କରାଯାଇଥିବା ସୂଚନା ମିଳିଛି।
ପ୍ରୋଜେକ୍ଟ ସଙ୍ଗମ ଅଧୀନରେ ଏପର୍ଯ୍ୟନ୍ତ ୪୧ଟି ଗାଁର ୯,୦୦୦ରୁ ଅଧିକ ଲୋକ ଉପକୃତ ହୋଇଥିବା ଆୟୋଜକଙ୍କ ପକ୍ଷରୁ କୁହାଯାଇଛି। ଏହା ସହିତ ଜଳ ସଂରକ୍ଷଣ ପାଇଁ ୭୦ରୁ ଅଧିକ ଗଠନ ନିର୍ମାଣ ହୋଇଥିବା ଏବଂ ପ୍ରାୟ ୧୮ ଲକ୍ଷ ଘନମିଟର ଭୂତଳ ଜଳ ପୁନଃଭରଣ କ୍ଷମତା ସୃଷ୍ଟି ହୋଇଥିବା ଦାବି କରାଯାଇଛି।
Thanks for reading: କଳାହାଣ୍ଡିର ୨୩ ଗାଁର ୪୦୦ରୁ ଅଧିକ ଚାଷୀଙ୍କୁ କୃଷି ପ୍ରଶିକ୍ଷଣ, Sorry, my English is bad:)