ଆୟରଲ୍ୟାଣ୍ଡରେ ଚମକିଲା ଓଡ଼ିଶାର ଗୌରବ! ପ୍ରମୋଦ ଭଗତଙ୍କ ହାତରେ ସ୍ୱର୍ଣ୍ଣ ଓ ବ୍ରୋଞ୍ଜ, ବିଶ୍ୱ ମଞ୍ଚରେ ପୁଣି ଭାରତର ଜୟଗାନ

 

ଭୁବନେଶ୍ୱର, ୩ ଜୁଲାଇ:

Pramod Bhagat ପୁଣିଥରେ ଆନ୍ତର୍ଜାତୀୟ ମଞ୍ଚରେ ନିଜର ଦକ୍ଷତାର ପରିଚୟ ଦେଇଛନ୍ତି। ଆୟରଲ୍ୟାଣ୍ଡର ଡବ୍ଲିନ୍‌ରେ ଆୟୋଜିତ British & Irish Para Badminton International ପ୍ରତିଯୋଗିତାରେ ସେ ପୁରୁଷ ସିଙ୍ଗଲ୍ସ SL3 ବିଭାଗରେ ସ୍ୱର୍ଣ୍ଣ ପଦକ ଜିତିବା ସହ ମିକ୍ସଡ୍ ଡବଲ୍ସରେ ବ୍ରୋଞ୍ଜ ପଦକ ହାସଲ କରିଛନ୍ତି। 

ପୁରୁଷ ସିଙ୍ଗଲ୍ସ ଫାଇନାଲରେ ପ୍ରମୋଦ ଭଗତ ଭାରତର ଅନ୍ୟତମ ଖେଳାଳି ନୀତେଶ କୁମାରଙ୍କୁ ୨୩-୨୧, ୨୧-୧୪ରେ ପରାସ୍ତ କରି ସ୍ୱର୍ଣ୍ଣ ପଦକ ନିଜ ନାମରେ କରିଥିଲେ। ମିକ୍ସଡ୍ ଡବଲ୍ସରେ ସହଯୋଗୀ ମନୀଷା ରାମଦାସଙ୍କ ସହ ବ୍ରୋଞ୍ଜ ପଦକ ଜିତି ସେ ଦୁଇଟି ପଦକ ସହ ଅଭିଯାନ ଶେଷ କରିଛନ୍ତି। 

ଏହି ସଫଳତା ପରେ ଓଡ଼ିଶା ସହ ସମଗ୍ର ଦେଶର କ୍ରୀଡ଼ାପ୍ରେମୀଙ୍କ ମଧ୍ୟରେ ଖୁସିର ଲହରୀ ଦେଖାଦେଇଛି। ପ୍ରମୋଦଙ୍କ ଏହି କୃତିତ୍ୱ ଭାରତୀୟ ପାରା ବ୍ୟାଡମିଣ୍ଟନ୍‌କୁ ବିଶ୍ୱ ମଞ୍ଚରେ ଆହୁରି ସୁଦୃଢ଼ କରିବା ସହ ଯୁବ ଖେଳାଳିଙ୍କ ପାଇଁ ପ୍ରେରଣା ପାଲଟିଛି।