ସିଂହନାଦ | ଭୁବନେଶ୍ୱର | ୩୦ ଜୁଲାଇ: ଓଡ଼ିଶା ୟୁନିଭର୍ସିଟି ଅଫ୍ ହେଲ୍ଥ ସାଇନ୍ସେସ୍ (OUHS) ଅଧୀନରେ ଚାଲିଥିବା ମେଡିକାଲ୍ ସ୍ନାତକୋତ୍ତର (PG) ପରୀକ୍ଷା ସମୟରେ ପ୍ରଶ୍ନପତ୍ରର ଫଟୋ WhatsApp ଗ୍ରୁପ୍ରେ ସେୟାର ହୋଇଥିବା ଅଭିଯୋଗ ସାମ୍ନାକୁ ଆସିଛି। ଏହି ଘଟଣାକୁ ଗୁରୁତ୍ୱର ସହ ନେଇ OUHS ପକ୍ଷରୁ ଆଭ୍ୟନ୍ତରୀଣ ତଦନ୍ତ ଆରମ୍ଭ କରାଯାଇଛି।
ସୂଚନା ଅନୁସାରେ, ଜୁଲାଇ ୨୭ ତାରିଖରେ ଅନୁଷ୍ଠିତ MS/MD General Surgery ପରୀକ୍ଷା ସମୟରେ କିଛି WhatsApp ଗ୍ରୁପ୍ରେ ପ୍ରଶ୍ନପତ୍ରର ଫଟୋ ପ୍ରସାରିତ ହୋଇଥିବା ଅଭିଯୋଗ ହୋଇଛି। ଘଟଣା ସମ୍ପର୍କରେ ଅଭିଯୋଗ ପାଇବା ପରେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ତଦନ୍ତ ଆରମ୍ଭ କରିଛନ୍ତି ଏବଂ ଅବଶିଷ୍ଟ ପରୀକ୍ଷାଗୁଡ଼ିକରେ ସୁରକ୍ଷା ବ୍ୟବସ୍ଥା ଆହୁରି କଡ଼ା କରିବାକୁ ନିର୍ଦ୍ଦେଶ ଦେଇଛନ୍ତି।
OUHS ଉପକୁଳପତିଙ୍କ ନେତୃତ୍ୱରେ ତୁରନ୍ତ ସମୀକ୍ଷା ବୈଠକ ହୋଇଥିବାବେଳେ ପ୍ରଶ୍ନପତ୍ରର ଫଟୋ କିପରି ବାହାରକୁ ଗଲା ଏବଂ ଏଥିରେ କାହାର ସମ୍ପୃକ୍ତି ରହିଛି, ସେନେଇ ତଦନ୍ତ ଚାଲିଛି।
ତେବେ MKCG ମେଡିକାଲ୍ କଲେଜ ପକ୍ଷରୁ ସ୍ପଷ୍ଟ କରାଯାଇଛି ଯେ, ପରୀକ୍ଷା ପୂର୍ବରୁ ପ୍ରଶ୍ନପତ୍ର ବାହାରକୁ ଆସିନଥିବାରୁ ଏହାକୁ "ପ୍ରଶ୍ନପତ୍ର ଲିକ୍" ବୋଲି କହିବା ଉଚିତ ନୁହେଁ। ତଥାପି ପରୀକ୍ଷା ଚାଲିଥିବା ବେଳେ ପ୍ରଶ୍ନପତ୍ରର ଫଟୋ ସୋସିଆଲ୍ ମିଡିଆରେ ପ୍ରସାରିତ ହେବା ଗୁରୁତର ସୁରକ୍ଷା ତ୍ରୁଟି ବୋଲି କୁହାଯାଉଛି।
Thanks for reading: ଓଡ଼ିଶା ମେଡିକାଲ୍ PG ପରୀକ୍ଷା ବେଳେ WhatsAppରେ ପ୍ରଶ୍ନପତ୍ର ଫଟୋ ଭାଇରାଲ୍, OUHS ପକ୍ଷରୁ ତଦନ୍ତ ଆରମ୍ଭ, Sorry, my English is bad:)