ରାଷ୍ଟ୍ରପତିଙ୍କ ଜନ୍ମମାଟି ମୟୂରଭଞ୍ଜରେ ଉଭୟ ନେତା ପ୍ରଥମେ ପାହାଡ଼ପୁର ଗ୍ରାମ ପରିଦର୍ଶନ କରିବେ। ସେଠାରେ ସାନ୍ତାଳୀ ଓ ହୋ ସମ୍ପ୍ରଦାୟର ପବିତ୍ର ଜାହେର ସ୍ଥଳରେ ପୂଜାର୍ଚ୍ଚନା କରିବା ସହ ଦକ୍ଷତା ବିକାଶ କେନ୍ଦ୍ର ଏବଂ ବିଦ୍ୟାଳୟ ପରିଦର୍ଶନ କରିବେ। ଏହା ଆଦିବାସୀ ଅଞ୍ଚଳର ଶିକ୍ଷା, ଦକ୍ଷତା ବିକାଶ ଓ ସାମାଜିକ ସଶକ୍ତିକରଣକୁ ଗୁରୁତ୍ୱ ଦେବାର ସନ୍ଦେଶ ଦେବ।
‘ବିକାଶର ଧାରା, ଓଡ଼ିଶା ସାରା’ କାର୍ଯ୍ୟକ୍ରମରେ ଶକ୍ତି, ସଡ଼କ, ସ୍ୱାସ୍ଥ୍ୟ, ଶିକ୍ଷା, ପାନୀୟ ଜଳ, ପର୍ଯ୍ୟଟନ ଓ ଜଳସେଚନ ଭଳି ବିଭିନ୍ନ କ୍ଷେତ୍ରର ପ୍ରକଳ୍ପର ଲୋକାର୍ପଣ ହେବ। ଏହା ରାଜ୍ୟରେ ରୋଜଗାର ସୃଷ୍ଟି ସହ ଭିତ୍ତିଭୂମି ବିକାଶକୁ ନୂଆ ଗତି ଦେବ ବୋଲି ଆଶା କରାଯାଉଛି।
ଏହି ଗୁରୁତ୍ୱପୂର୍ଣ୍ଣ ଗସ୍ତକୁ ନେଇ ମୟୂରଭଞ୍ଜରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ପ୍ରାୟ ୧୨୦ ପ୍ଲାଟୁନ ପୁଲିସ ଫୋର୍ସ, CRPF, BSF ଓ NSG ଟିମ୍ ମୁତୟନ କରାଯାଇଛି।
ସିଂହନାଦ ବ୍ୟୁରୋ।
Thanks for reading: ମୟୂରଭଞ୍ଜରେ ଐତିହାସିକ କାର୍ଯ୍ୟକ୍ରମ: ଏକ ମଞ୍ଚରେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ, ୪୭,୬୦୦ କୋଟିର ପ୍ରକଳ୍ପ ଉପହାର, Sorry, my English is bad:)