ଭବାନୀପାଟଣା, ୨୬ ଜୁନ୍: କଳାହାଣ୍ଡିର ଖଣ୍ଡୁଆଳ ମାଳି ପାହାଡ଼ ପୁଣିଥରେ ହଜାର ହଜାର ଆଦିବାସୀଙ୍କ ଏକତାର ସାକ୍ଷୀ ହୋଇଛି। ପ୍ରସ୍ତାବିତ ଖଣି ପ୍ରକଳ୍ପକୁ ବିରୋଧ କରି ବିଭିନ୍ନ ଗାଁରୁ ଆସିଥିବା ଆଦିବାସୀମାନେ ବିଶାଳ ସମାବେଶରେ ଯୋଗ ଦେଇ ନିଜର ଜଳ, ଜଙ୍ଗଲ ଓ ଜମିକୁ ସୁରକ୍ଷା କରିବା ପାଇଁ ଦୃଢ଼ ସଂକଳ୍ପ ଦୋହରାଇଛନ୍ତି।
ବୁଢ଼ାରାଜା ପରବ ଅବସରରେ ଆୟୋଜିତ ଏହି ମହାସମାବେଶରେ ବକ୍ତାମାନେ କହିଛନ୍ତି ଯେ, ଖଣ୍ଡୁଆଳ ମାଳି କେବଳ ଏକ ପାହାଡ଼ ନୁହେଁ, ବରଂ ହଜାର ହଜାର ଆଦିବାସୀଙ୍କ ଜୀବନ, ଜୀବିକା, ସଂସ୍କୃତି ଓ ଆସ୍ଥାର ପ୍ରତୀକ। ଏଠାରେ ଖଣି କାର୍ଯ୍ୟ ଆରମ୍ଭ ହେଲେ ପରିବେଶ, ଜଳସ୍ରୋତ ଓ ଜୀବନଶୈଳୀ ଉପରେ ଗଭୀର ପ୍ରଭାବ ପଡ଼ିବ ବୋଲି ସେମାନେ ଆଶଙ୍କା ପ୍ରକାଶ କରିଛନ୍ତି।
ସମାବେଶରେ ଯୋଗଦେଇଥିବା ଆଦିବାସୀମାନେ ସ୍ପଷ୍ଟ ବାର୍ତ୍ତା ଦେଇଛନ୍ତି ଯେ, ଗ୍ରାମସଭାର ସମ୍ମତି ବିନା କୌଣସି ଖଣି ପ୍ରକଳ୍ପକୁ ସେମାନେ ଗ୍ରହଣ କରିବେ ନାହିଁ। ଆବଶ୍ୟକ ପଡ଼ିଲେ ଆନ୍ଦୋଳନକୁ ଆହୁରି ବ୍ୟାପକ କରାଯିବ ବୋଲି ମଧ୍ୟ ଚେତାବନୀ ଦିଆଯାଇଛି।
Thanks for reading: ଖଣ୍ଡୁଆଳ ମାଳିରେ ଆଦିବାସୀଙ୍କ ମହାଗର୍ଜନ!, Sorry, my English is bad:)