କଳାହାଣ୍ଡି ଅବକାରୀ ବିଭାଗକୁ ଘେରିଲା RTI ଅବହେଳା ଅଭିଯୋଗ; ନିଃଶୁଳ୍କ ସୂଚନା ଓ ଦାୟିତ୍ୱ ନିର୍ଦ୍ଧାରଣ ପାଇଁ ଦାବି।
ଭବାନୀପାଟଣା, ୩୦ ଅକ୍ଟୋବର: ସିଂହନାଦ (SIMHANAAD)
ସୂଚନା ଅଧିକାର ଆଇନରେ ୧୧ଟି ପ୍ରଶ୍ନ ପଚାରିଥିଲେ, ହେଲେ ମିଳିଲାନି ଗୋଟିଏ ମଧ୍ୟ ଉତ୍ତର! କଳାହାଣ୍ଡି ଜିଲ୍ଲା ଅବକାରୀ ବିଭାଗର ଏଭଳି ନିରବତାକୁ ନେଇ ଏବେ ପ୍ରଶ୍ନ ଉଠାଇଛନ୍ତି ଆବେଦନକାରୀ ସୁଶାନ୍ତ କୁମାର ମଙ୍ଗରାଜ। ଜୁନ୍ ୨୯, ୨୦୨୬ରେ ଦାଖଲ କରିଥିବା RTI ଆବେଦନର ଉତ୍ତର ନମିଳିବା ଅଭିଯୋଗରେ ସେ ଅବକାରୀ କମିଶନର, ଓଡ଼ିଶା, କଟକଙ୍କ ନିକଟରେ ପ୍ରଥମ ଅପିଲ୍ କରିଛନ୍ତି।
ଅବୈଧ ମଦ କାରବାର, ଅବକାରୀ ବିଭାଗର ଚଢ଼ାଉ, ରାଜସ୍ୱ ଆଦାୟ, ବିଭାଗୀୟ କାର୍ଯ୍ୟକଳାପ ଓ ଅଧିକାରୀଙ୍କ କାର୍ଯ୍ୟାନୁଷ୍ଠାନ ସମ୍ପର୍କରେ ୧୧ଟି ପ୍ରଶ୍ନ ମାଧ୍ୟମରେ ତଥ୍ୟ ଓ ପ୍ରମାଣିତ ନକଲ ମାଗିଥିଲେ ସୁଶାନ୍ତ। କିନ୍ତୁ ତାଙ୍କ ଅଭିଯୋଗ ଅନୁଯାୟୀ, ଏତେ ଦିନ ବିତିଯାଇଥିଲେ ମଧ୍ୟ ବିଭାଗ ପକ୍ଷରୁ କୌଣସି ଉତ୍ତର ମିଳିନାହିଁ।
ଏହି ଘଟଣାକୁ ଗୁରୁତ୍ୱର ସହ ନେଇ ସେ ସୂଚନା ଅଧିକାର ଆଇନର ଧାରା ୧୯(୧) ଅନୁଯାୟୀ ପ୍ରଥମ ଅପିଲ୍ କରିଛନ୍ତି। ଅପିଲ୍ରେ ସମସ୍ତ ୧୧ଟି ପ୍ରଶ୍ନର ଉତ୍ତର ତୁରନ୍ତ ପ୍ରଦାନ, ବିଳମ୍ବର କାରଣ ଲିଖିତ ଭାବେ ଜଣାଇବା ଏବଂ ଧାରା ୭(୬) ଅନୁଯାୟୀ ସମସ୍ତ ସୂଚନା ନିଃଶୁଳ୍କ ଦେବାକୁ ଦାବି କରିଛନ୍ତି।
ନାଗରିକଙ୍କ ପ୍ରଶ୍ନର ଉତ୍ତର ଦେବା ସରକାରୀ ବିଭାଗର ଦାୟିତ୍ୱ ନୁହେଁ କି?
ସରକାରୀ କାର୍ଯ୍ୟରେ ସ୍ୱଚ୍ଛତା ଓ ଉତ୍ତରଦାୟିତ୍ୱ ଆଣିବା ପାଇଁ ହିଁ ସୂଚନା ଅଧିକାର ଆଇନ ପ୍ରଣୟନ ହୋଇଛି। ତେବେ ନାଗରିକଙ୍କ ଆଇନଗତ ଆବେଦନର ଉତ୍ତର ନମିଳିବା ଘଟଣା ସରକାରୀ ବ୍ୟବସ୍ଥାର ଉତ୍ତରଦାୟିତ୍ୱକୁ ନେଇ ପ୍ରଶ୍ନ ସୃଷ୍ଟି କରିଛି।
ଏବେ ଅବକାରୀ କମିଶନର ଏହି ଅଭିଯୋଗ ଉପରେ କି ପଦକ୍ଷେପ ନେଉଛନ୍ତି ଏବଂ ଆବେଦନକାରୀଙ୍କୁ ୧୧ଟି ପ୍ରଶ୍ନର ଉତ୍ତର କେବେ ମିଳୁଛି, ତାହା ଉପରେ ସମସ୍ତଙ୍କ ନଜର।
Thanks for reading: ୪ ମାସ ହେଲା RTIର ଉତ୍ତର ଶୂନ୍! ୧୧ଟି ପ୍ରଶ୍ନର ଜବାବ ମାଗି ଅବକାରୀ କମିଶନରଙ୍କ ଦ୍ୱାରସ୍ଥ ହେଲେ ସୁଶାନ୍ତ ମଙ୍ଗରାଜ, Sorry, my English is bad:)