ଭୁବନେଶ୍ୱର, ୧୯ ସେପ୍ଟେମ୍ବର ୨୦୨୬, ସିଂହନାଦ (SIMHANAAD): ଉତ୍କଳ ବିଶ୍ୱବିଦ୍ୟାଳୟର ଚାଲୁଥିବା +୩ ଦ୍ୱିତୀୟ ସେମିଷ୍ଟର ପରୀକ୍ଷାକୁ ନେଇ ଉଠିଛି ପ୍ରଶ୍ନପତ୍ର ଲିକ୍ ଅଭିଯୋଗ। ପରୀକ୍ଷା ପୂର୍ବରୁ ଏକ ପ୍ରଶ୍ନପତ୍ର WhatsApp ସମେତ ବିଭିନ୍ନ ଡିଜିଟାଲ ପ୍ଲାଟଫର୍ମରେ ପ୍ରଚାର ହୋଇଥିବା ଅଭିଯୋଗ ପରେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ସହିଦନଗର ଥାନାରେ ଅଭିଯୋଗ କରିଛନ୍ତି।
ସୂଚନା ଅନୁଯାୟୀ, +୩ ଦ୍ୱିତୀୟ ସେମିଷ୍ଟର ପରୀକ୍ଷା ସେପ୍ଟେମ୍ବର ୧୨ରୁ ଆରମ୍ଭ ହୋଇଛି। ଅଭିଯୋଗ ଅନୁସାରେ, ସେପ୍ଟେମ୍ବର ୧୭ରେ ହେବାକୁ ଥିବା ଏକ କମର୍ସ ପ୍ରଶ୍ନପତ୍ର ପରୀକ୍ଷା ପୂର୍ବରୁ ସୋସିଆଲ ମିଡିଆରେ ଘୁରୁଥିଲା।
ତେବେ ଏହା ପ୍ରକୃତରେ ପ୍ରଶ୍ନପତ୍ର ଲିକ୍ ଘଟଣା କି ନୁହେଁ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ବିଶ୍ୱବିଦ୍ୟାଳୟ ପକ୍ଷରୁ ଅଭିଯୋଗର ସତ୍ୟତା ଯାଞ୍ଚ କରାଯାଉଛି।
ବିଶ୍ୱବିଦ୍ୟାଳୟରେ ପ୍ରଶ୍ନପତ୍ରଗୁଡ଼ିକୁ ସିଲ୍ କରି ପଠାଯାଏ ଏବଂ ପରୀକ୍ଷା ଆରମ୍ଭ ପୂର୍ବରୁ ନିର୍ଦ୍ଧାରିତ ସମୟରେ ସିଲ୍ ଖୋଲାଯିବାର ନିୟମ ରହିଛି। ତେଣୁ ଅଭିଯୋଗ ସତ୍ୟ ହେଲେ ପ୍ରଶ୍ନପତ୍ର କେଉଁଠାରୁ ଓ କିପରି ବାହାରକୁ ଆସିଲା, ସେନେଇ ତଦନ୍ତ ଗୁରୁତ୍ୱ ପାଇଛି।
ଘଟଣାର ସତ୍ୟତା ଜଣାପଡ଼ିବା ପରେ ପରବର୍ତ୍ତୀ ପଦକ୍ଷେପ ନିଆଯିବ। ପ୍ରଶ୍ନପତ୍ର ଲିକ୍ ଅଭିଯୋଗ ସତ୍ୟ ପ୍ରମାଣିତ ହେଲେ ସମ୍ପୃକ୍ତ ପରୀକ୍ଷା ପୁନର୍ବାର କରାଯିବାର ସମ୍ଭାବନା ରହିଛି।
ଏହି ଘଟଣାକୁ ନେଇ ଛାତ୍ରଛାତ୍ରୀ ଓ ଅଭିଭାବକଙ୍କ ମଧ୍ୟରେ ଚିନ୍ତା ବଢ଼ିଥିବା ବେଳେ ତଦନ୍ତର ଫଳାଫଳ ଉପରେ ଏବେ ନଜର ରହିଛି।
Thanks for reading: ପରୀକ୍ଷା ପୂର୍ବରୁ WhatsAppରେ ପ୍ରଶ୍ନପତ୍ର! ଉତ୍କଳ ବିଶ୍ୱବିଦ୍ୟାଳୟରେ ହଇଚଇ, Sorry, my English is bad:)