ଭବାନୀପାଟଣା, ୩ ସେପ୍ଟେମ୍ବର ୨୦୨୬: ରାଜ୍ୟର ସରକାରୀ ପ୍ରାଥମିକ ବିଦ୍ୟାଳୟ, ହାଇସ୍କୁଲ, ସ୍ପେଶାଲ୍ ଏଡ୍ୟୁକେଟର ଓ ଓଡ଼ିଶା ଆଦର୍ଶ ବିଦ୍ୟାଳୟ (OAV)ରେ ଖାଲି ଥିବା ୧୫ ହଜାରରୁ ଅଧିକ ଶିକ୍ଷକ ପଦବୀ ତୁରନ୍ତ ପୂରଣ, ସ୍ୱଚ୍ଛ ମେରିଟ୍ ଲିଷ୍ଟ୍ ପ୍ରକାଶ ଏବଂ SC/ST ଶିକ୍ଷକ ଆଶାୟୀଙ୍କୁ ନ୍ୟାୟ ପ୍ରଦାନ ଦାବିରେ All Odisha SC & ST Teacher Aspirants Association, Bhubaneswar ପକ୍ଷରୁ ଭବାନୀପାଟଣା ସଦର ବିଧାୟକଙ୍କୁ ସ୍ମାରକପତ୍ର ଦିଆଯାଇଛି। ଏହି ସ୍ମାରକପତ୍ରକୁ ଭବାନୀପାଟଣା ସଦର ବିଧାୟକ କାର୍ଯ୍ୟାଳୟରେ ରିସିଭ୍ କପି ନମ୍ବର ୬୩୨ ଭାବେ ୩ ସେପ୍ଟେମ୍ବରରେ ନୀତିଶ ନାୟକଙ୍କ ଦ୍ୱାରା ଗ୍ରହଣ କରାଯାଇଛି।
ସଂଘ ପକ୍ଷରୁ ଦାବି କରାଯାଇଛି ଯେ, ରାଜ୍ୟର ବିଭିନ୍ନ ବିଦ୍ୟାଳୟରେ ବହୁ ସଂଖ୍ୟକ ଶିକ୍ଷକ ପଦବୀ ଖାଲି ପଡ଼ିଛି। ଏହି ପଦବୀଗୁଡ଼ିକୁ ତୁରନ୍ତ ପୂରଣ କରିବା ସହ ଯୋଗ୍ୟ ଶିକ୍ଷକ ଆଶାୟୀଙ୍କୁ ନିଯୁକ୍ତି ସୁଯୋଗ ଦେବାକୁ ସଂଘ ଦାବି ଜଣାଇଛି।
ସଂଘର ଦାବି ଅନୁଯାୟୀ, ଭୁବନେଶ୍ୱର ଲୋୟର ପିଏମଜିଠାରେ ରାଜ୍ୟର ବିଭିନ୍ନ ଅଞ୍ଚଳର SC/ST ଶିକ୍ଷକ ଆଶାୟୀମାନେ ଧାରଣା ପ୍ରଦର୍ଶନ କରୁଛନ୍ତି। ଖାଲି ଥିବା ଶିକ୍ଷକ ପଦବୀ ପୂରଣ ସହ ନିଯୁକ୍ତି ପ୍ରକ୍ରିୟାକୁ ସ୍ୱଚ୍ଛ ଓ ନିରପେକ୍ଷ ରଖିବା ସେମାନଙ୍କ ମୁଖ୍ୟ ଦାବି ରହିଛି।
ଏଥିସହ OPSC/OPEPA ପକ୍ଷରୁ ଯୋଗ୍ୟ ପ୍ରାର୍ଥୀଙ୍କ ସ୍ୱଚ୍ଛ ମେରିଟ୍ ଲିଷ୍ଟ୍ ପ୍ରକାଶ କରିବା ଏବଂ ନିଯୁକ୍ତି ପ୍ରକ୍ରିୟାରେ ପାରଦର୍ଶିତା ରଖିବାକୁ ସଂଘ ଦାବି କରିଛି। ବିଶେଷକରି SC/ST ଶିକ୍ଷକ ଆଶାୟୀମାନଙ୍କୁ ନ୍ୟାୟ ପ୍ରଦାନ ପାଇଁ ବିଧାୟକଙ୍କ ମାଧ୍ୟମରେ ରାଜ୍ୟ ସରକାରଙ୍କ ନିକଟରେ ଦାବି ଉଠାଇବାକୁ ଅନୁରୋଧ କରାଯାଇଛି।
ସ୍ମାରକପତ୍ରରେ ସଂଘର ସଭାପତି ବାସୁଦେବ ବେହେରା, ଉପସଭାପତି ପଦ୍ମିନୀ ନାଗ ଓ ସମ୍ପାଦକ ଗୁଣନିଧି ବେହେରାଙ୍କ ସମେତ ଅନ୍ୟ ପଦାଧିକାରୀଙ୍କ ନାମ ଉଲ୍ଲେଖ ରହିଛି।
ଶିକ୍ଷକ ଆଶାୟୀଙ୍କ ଏହି ଦାବି ଉପରେ ରାଜ୍ୟ ସରକାର ଓ ସମ୍ପୃକ୍ତ ନିଯୁକ୍ତି ବିଭାଗ କି ପଦକ୍ଷେପ ନେଉଛନ୍ତି, ତାହା ଉପରେ ଆଶାୟୀମାନଙ୍କ ନଜର ରହିଛି।
ରିପୋର୍ଟ: ସୁଶାନ୍ତ ମଙ୍ଗରାଜ
SIMHANAAD
Thanks for reading: ୧୫ ହଜାରରୁ ଅଧିକ ଶିକ୍ଷକ ପଦ ପୂରଣ ଦାବି: ଭବାନୀପାଟଣା ବିଧାୟକଙ୍କୁ SC/ST ଶିକ୍ଷକ ଆଶାୟୀଙ୍କ ସ୍ମାରକପତ୍ର, Sorry, my English is bad:)