ଭବାନୀପାଟଣା, ୧୨ ସେପ୍ଟେମ୍ବର ୨୦୨୬ | ସିଂହନାଦ (SIMHANAAD): ଭାଷାର ସୁରକ୍ଷା, ସମୃଦ୍ଧି ଓ ଆଧୁନିକ ସମାଜରେ ଏହାର ଭୂମିକାକୁ ନେଇ ଭବାନୀପାଟଣାସ୍ଥିତ ଅମଲା ଭବନରେ ‘ଭାଷା ହିଁ ଜୀବନଶକ୍ତି’ ଶୀର୍ଷକ ପ୍ରାକ୍-ସମ୍ମିଳନୀ ଅନୁଷ୍ଠିତ ହୋଇଛି। ଏହି ସମ୍ମିଳନୀର ମୁଖ୍ୟ ବିଷୟ ଥିଲା ‘ଭାଷା, ଚିନ୍ତନ ଓ ନୂତନ ସମୀକରଣ’।
ସମ୍ମିଳନୀରେ ଓଡ଼ିଆ ଅଧ୍ୟୟନ ଓ ଗବେଷଣା ସଂସ୍ଥା, ଭୁବନେଶ୍ୱର ସହ ସମ୍ପୃକ୍ତ ଡ. ସୁବ୍ରତ ପୃଷ୍ଟି ଯୋଗଦେଇଥିଲେ। ମୁଖ୍ୟ ଅତିଥି ଭାବେ ବରିଷ୍ଠ ପତ୍ରକାର ଓ ସମାଜସେବୀ ଭାରତ ଭୂଷଣ ଠାକୁର ଯୋଗଦେଇଥିବା ବେଳେ ବରିଷ୍ଠ ସମ୍ବାଦିକ ଶାନ୍ତନୁ ବେହେରା ମଧ୍ୟ ଉପସ୍ଥିତ ଥିଲେ।
ଏଥିସହ ନୀରଦବର ଖୁଣ୍ଟିଆ, ଓଡ଼ିଆ ଅଧ୍ୟୟନ ଓ ଗବେଷଣା ସଂସ୍ଥା; ପରମେଶ୍ୱର ମୁଣ୍ଡ, ଅଧ୍ୟାପକ, ସାନ୍ଧ୍ୟ ମହାବିଦ୍ୟାଳୟ; ବିଜୟା ପ୍ରଧାନ, ଓଡ଼ିଆ ଅଧ୍ୟୟନ ଓ ଗବେଷଣା ସଂସ୍ଥା ଏବଂ ସରୋଜ ବାଗ, ସଦସ୍ୟ, ଓଡ଼ିଆ ଅଧ୍ୟୟନ ଓ ଗବେଷଣା ସଂସ୍ଥା ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ।
ଆଲୋଚନାରେ ଭାଷା କେବଳ ଭାବର ଆଦାନପ୍ରଦାନର ମାଧ୍ୟମ ନୁହେଁ, ବରଂ ମଣିଷର ଚିନ୍ତନ, ଜ୍ଞାନ, ସାମାଜିକ ଚେତନା ଓ ସାଂସ୍କୃତିକ ପରିଚୟର ମୁଖ୍ୟ ଆଧାର ବୋଲି ମତ ପ୍ରକାଶ ପାଇଥିଲା। ଆଧୁନିକ ଓ ଡିଜିଟାଲ ଯୁଗରେ ଓଡ଼ିଆ ଭାଷାର ବ୍ୟବହାରକୁ ଆହୁରି ବ୍ୟାପକ କରିବା ସହ ଭାଷାର ମୌଳିକତା ଓ ସମୃଦ୍ଧି ବଜାୟ ରଖିବା ଉପରେ ମଧ୍ୟ ଗୁରୁତ୍ୱ ଦିଆଯାଇଥିଲା।
Thanks for reading: ଭାଷା ହିଁ ଜୀବନଶକ୍ତି: ‘ଭାଷା, ଚିନ୍ତନ ଓ ନୂତନ ସମୀକରଣ’ ଉପରେ ପ୍ରାକ୍-ସମ୍ମିଳନୀ, Sorry, my English is bad:)