ନୂଆ DGP ନିଯୁକ୍ତିକୁ ନେଇ ଚର୍ଚ୍ଚା ଜୋରଦାର
ଭୁବନେଶ୍ୱର, ୧୦ ଅଗଷ୍ଟ ୨୦୨୬ | SIMHANAAD: ଓଡ଼ିଶା ପୋଲିସ ବିଭାଗରେ ଦୁଇ ବରିଷ୍ଠ IPS ଅଧିକାରୀଙ୍କୁ DG ପାହ୍ୟାକୁ ପଦୋନ୍ନତି ମିଳିଛି। ରାଜ୍ୟ ସରକାରଙ୍କ ଅନୁମୋଦନ ପରେ ୧୯୯୪ ବ୍ୟାଚ୍ର IPS ଅଧିକାରୀ ସଞ୍ଜୀବ ପଣ୍ଡା ଓ ଯଶୋବନ୍ତ କୁମାର ଜେଠୱାଙ୍କୁ ADG ପାହ୍ୟାରୁ Director General (DG) ପାହ୍ୟାକୁ ପଦୋନ୍ନତି ଦିଆଯାଇଛି।
ସୂଚନା ଅନୁସାରେ, ସଞ୍ଜୀବ ପଣ୍ଡା ବର୍ତ୍ତମାନ ଆଣ୍ଟି-ନକ୍ସଲ ଅପରେସନ୍ସ ଓ ସ୍ପେଶାଲ ଇଣ୍ଟେଲିଜେନ୍ସ ୱିଙ୍ଗ୍ର ଦାୟିତ୍ୱରେ ରହିଛନ୍ତି। ସେହିପରି ଯଶୋବନ୍ତ ଜେଠୱା ଓଡ଼ିଶା ଭିଜିଲାନ୍ସ ନିର୍ଦ୍ଦେଶକ ଭାବେ କାର୍ଯ୍ୟରତ ଅଛନ୍ତି। ଜେଠୱା ପୂର୍ବରୁ କେନ୍ଦ୍ରୀୟ ଡେପୁଟେସନରେ ମଧ୍ୟ କାର୍ଯ୍ୟ କରିଥିଲେ।
ଏହି ପଦୋନ୍ନତି ପରେ ଓଡ଼ିଶାର ପରବର୍ତ୍ତୀ ପୋଲିସ ଡିଜି (DGP) ନିଯୁକ୍ତିକୁ ନେଇ ପୋଲିସ ଓ ପ୍ରଶାସନିକ ମହଲରେ ଚର୍ଚ୍ଚା ଆହୁରି ତୀବ୍ର ହୋଇଛି। ଉପଲବ୍ଧ ରିପୋର୍ଟ ଅନୁସାରେ, ବର୍ତ୍ତମାନର DGP ୱାଇ.ବି. ଖୁରାନିଆଙ୍କ କାର୍ଯ୍ୟକାଳ ଅଗଷ୍ଟ ୧୬ରେ ଶେଷ ହେବାକୁ ଥିବାରୁ ନୂଆ DGP ନିଯୁକ୍ତି ଉପରେ ନଜର ରହିଛି।
ତେବେ ନୂଆ DGP ଭାବେ କାହାକୁ ନିଯୁକ୍ତ କରାଯିବ, ସେନେଇ ସରକାରୀ ସ୍ତରରେ ଚାଲିଥିବା ପ୍ରକ୍ରିୟାର ଚୂଡ଼ାନ୍ତ ନିଷ୍ପତ୍ତି ଏପର୍ଯ୍ୟନ୍ତ ଘୋଷଣା ହୋଇନାହିଁ।
ସିଂହନାଦ ନ୍ୟୁଜ୍ ବ୍ୟୁରୋ।
Thanks for reading: ବରିଷ୍ଠ IPS ସଞ୍ଜୀବ ପଣ୍ଡା ଓ ଯଶୋବନ୍ତ ଜେଠୱାଙ୍କୁ DG ପାହ୍ୟାକୁ ପଦୋନ୍ନତି, Sorry, my English is bad:)