ସିଂହନାଦ | ଭବାନୀପାଟଣା | ୭ ଅଗଷ୍ଟ ୨୦୨୬: କଳାହାଣ୍ଡି ଜିଲ୍ଲାର ଏମ୍. ରାମପୁର ଥାନା ଅଧୀନ ଡୋମକରଲାଖୁଣ୍ଟା ଗ୍ରାମରେ ବିଜେପିର ମୋହଙ୍ଗିରି ମଣ୍ଡଳ ଉପସଭାପତି ତଥା ସ୍ଥାନୀୟ ସରପଞ୍ଚଙ୍କ ସ୍ୱାମୀ ଫକୀର ରଣାଙ୍କ ହତ୍ୟା ମାମଲାରେ ପୋଲିସ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି। ପ୍ରାଥମିକ ତଦନ୍ତରୁ ପୁରୁଣା ଶତ୍ରୁତା ଏହି ହତ୍ୟାକାଣ୍ଡର ଏକ ସମ୍ଭାବ୍ୟ କାରଣ ବୋଲି ପୋଲିସ ସନ୍ଦେହ କରୁଥିବା ବେଳେ ଘଟଣାର ସମସ୍ତ ଦିଗକୁ ନେଇ ତଦନ୍ତ ଜାରି ରହିଛି।
ପୋଲିସ ସୂଚନା ଅନୁସାରେ, ବୁଧବାର ସନ୍ଧ୍ୟାରେ ଫକୀର ରଣା ବାଇକ୍ରେ ଘରକୁ ଫେରୁଥିବା ସମୟରେ ପଞ୍ଚାୟତ କାର୍ଯ୍ୟାଳୟ ନିକଟରେ ତାଙ୍କ ଉପରେ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା। ଗୁରୁତର ଆହତ ଅବସ୍ଥାରେ ସ୍ଥାନୀୟ ଲୋକେ ତାଙ୍କୁ ଏମ୍. ରାମପୁର ସମୁଦାୟ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
କଳାହାଣ୍ଡି ଏସ୍ପିଙ୍କ ସୂଚନା ଅନୁଯାୟୀ, ଏହି ମାମଲାରେ ୩ ଜଣଙ୍କୁ ଗିରଫ କରାଯାଇଛି। ହତ୍ୟା ପଛରେ ଥିବା ଉଦ୍ଦେଶ୍ୟ, ଷଡ଼ଯନ୍ତ୍ର ଏବଂ ଅନ୍ୟ କାହାର ସମ୍ପୃକ୍ତି ରହିଛି କି ନାହିଁ, ସେନେଇ ତଦନ୍ତ ଚାଲିଛି।
ଘଟଣା ପରେ ସମଗ୍ର ଅଞ୍ଚଳରେ ଉତ୍ତେଜନା ଦେଖାଦେଇଥିବା ବେଳେ ପୋଲିସ ପରିସ୍ଥିତି ଉପରେ କଡ଼ା ନଜର ରଖିଛି। ମାମଲାରେ ଅଧିକ ପ୍ରମାଣ ସଂଗ୍ରହ ପାଇଁ ତଦନ୍ତକାରୀ ଟିମ୍ କାର୍ଯ୍ୟ ଜାରି ରଖିଛି।
Thanks for reading: ବିଜେପି ନେତା ଫକୀର ରଣା ହତ୍ୟାକାଣ୍ଡ: ୩ ଅଭିଯୁକ୍ତ ଗିରଫ, ପୁରୁଣା ଶତ୍ରୁତା ନେଇ ତଦନ୍ତ ଜୋରଦାର, Sorry, my English is bad:)