ଚିଠି ଭୁଆ ହୋଇପାରେ, କିନ୍ତୁ ବେରୋଜଗାରୀ କଣ ଭୁଆ? ବର୍ଷ ବର୍ଷ ଧରି ନିଯୁକ୍ତି ଅପେକ୍ଷାରେ ଥିବା ଯୁବକଙ୍କ ନିରାଶା କଣ ଭୁଆ? ଚାକିରି ପାଇଁ ଫର୍ମ ଭରିବା, ପରୀକ୍ଷା ଦେବା, ଫଳାଫଳକୁ ଅପେକ୍ଷା କରିବା ଓ ଶେଷରେ ନୀରବତା—ଏହା କଣ ଭୁଆ?
ଆଜି ଭୁଆ ଚିଠି ଭାଇରାଲ ହେଉଛି, କାରଣ ସତ ନିଯୁକ୍ତିର ଖବର ବହୁତ କମ୍ ଶୁଣିବାକୁ ମିଳୁଛି। ଯେଉଁଠି ସ୍ୱଚ୍ଛ ଓ ନିୟମିତ ନିଯୁକ୍ତି ପ୍ରକ୍ରିୟା ଥାଏ, ସେଠାରେ ଏଭଳି ଗୁଜବର ସ୍ଥାନ ମିଳେନାହିଁ।
ନିଶ୍ଚୟ ଭାବେ ଭୁଆ ଚିଠି ତିଆରି କରିଥିବା ଲୋକଙ୍କ ବିରୋଧରେ କଡ଼ା ଆଇନଗତ ପଦକ୍ଷେପ ନିଆଯିବା ଉଚିତ। କିନ୍ତୁ ସେହି ସହିତ ଯୁବପିଢ଼ିର ଚାକିରି ଆଶାକୁ ବାରମ୍ବାର ନିରାଶାରେ ପରିଣତ କରୁଥିବା ବ୍ୟବସ୍ଥାକୁ ନେଇ ମଧ୍ୟ ପ୍ରଶ୍ନ ଉଠିବା ଦରକାର।
ଭୁଆ ଚିଠି ଭାଇରାଲ ହେବାଠାରୁ ବଡ଼ ସମସ୍ୟା ହେଉଛି—ଯେତେବେଳେ ଯୁବପିଢ଼ି ଭାବିବାକୁ ବାଧ୍ୟ ହୁଏ ଯେ, ଶାୟଦ୍ ସୋସିଆଲ ମିଡିଆର ଗୁଜବ ହିଁ ତାଙ୍କ ଚାକିରିର ଏକମାତ୍ର ଆଶା।
Thanks for reading: ଭୁଆ ଚିଠିରେ ଚାକିରି, ସତ ଚିଠିରେ ନୀରବତା!, Sorry, my English is bad:)