କଳାହାଣ୍ଡିର ଜଣେ ଆବେଦନକାରୀ CM Grievance ମାମଲାର ତଦନ୍ତ ସମ୍ବନ୍ଧରେ RTI ମାଧ୍ୟମରେ ଏକାଧିକ ପ୍ରଶ୍ନ ପଚାରିଥିଲେ। ତାଙ୍କର ଆଶା ଥିଲା—ପ୍ରଶ୍ନ ଅନୁଯାୟୀ ଉତ୍ତର, ଫାଇଲ୍ ନୋଟିଂ, Action Taken Report, "Resolved" କରିବାର ଆଧାର ଓ ସମ୍ପର୍କିତ ଦସ୍ତାବେଜ ମିଳିବ। କିନ୍ତୁ ଉତ୍ତରରେ ମିଳିଲା କେବଳ ଗୋଟିଏ ତଦନ୍ତ ରିପୋର୍ଟ।
ତାହେଲେ ବାକି ପ୍ରଶ୍ନଗୁଡ଼ିକ ଗଲା କୁଆଡ଼େ? "Resolved" ଶବ୍ଦଟି କେଉଁ ଆଧାରରେ ଲେଖାଗଲା? ନିଷ୍ପତ୍ତି କିଏ ନେଲେ? ଫାଇଲରେ କଣ ଲେଖା ଥିଲା? ଏସବୁ ପ୍ରଶ୍ନର ଉତ୍ତର ଯଦି ରେକର୍ଡରେ ଅଛି, ତେବେ ଆରଟିଆଇରେ ଦେବାରେ ଅସୁବିଧା କେଉଁଠି?
ଗଣତନ୍ତ୍ରରେ ସୂଚନା ମାଗିବା ଅପରାଧ ନୁହେଁ, ବରଂ ନାଗରିକଙ୍କ ସାମ୍ବିଧାନିକ ଅଧିକାର। ଆଉ ସେହି ଅଧିକାରର ଉତ୍ତର ଯଦି କେବଳ ଗୋଟିଏ କାଗଜରେ ସୀମିତ ରହିଯାଏ, ତେବେ ସ୍ୱଚ୍ଛତା ଉପରେ ପ୍ରଶ୍ନ ଉଠିବା ଅସ୍ୱାଭାବିକ ନୁହେଁ।
ଏବେ ପ୍ରଶ୍ନ ହେଉଛି—ଆରଟିଆଇର ଉଦ୍ଦେଶ୍ୟ କି କେବଳ ଗୋଟିଏ ରିପୋର୍ଟ ଦେଇ ଫାଇଲ୍ ବନ୍ଦ କରିଦେବା, ନା ଆବେଦନକାରୀ ମାଗିଥିବା ପ୍ରତ୍ୟେକ ସୂଚନା ସ୍ପଷ୍ଟ ଭାବେ ପ୍ରଦାନ କରିବା?
ଏହି ପ୍ରସଙ୍ଗରେ ପ୍ରଥମ ଅପିଲ ଦାଖଲ ହେବାକୁ ଯାଉଛି। ବର୍ତ୍ତମାନ ନଜର ରହିବ ପ୍ରଥମ ଅପିଲ କର୍ତ୍ତୃପକ୍ଷଙ୍କ ନିଷ୍ପତ୍ତି ଉପରେ। ସେ ସମ୍ପୂର୍ଣ୍ଣ ସୂଚନା ପ୍ରଦାନର ନିର୍ଦ୍ଦେଶ ଦେବେ କି, ନା ପ୍ରଶ୍ନଗୁଡ଼ିକ ପୁଣି କାଗଜରେ ହିଁ ଅଟକି ରହିବ?
- ସୁଶାନ୍ତ ମଙ୍ଗରାଜଙ୍କ ରିପୋର୍ଟ
Thanks for reading: RTIରେ ୧୧ ପ୍ରଶ୍ନ, ଉତ୍ତରରେ ମାତ୍ର ଗୋଟିଏ ରିପୋର୍ଟ! 'Resolved'ର ରହସ୍ୟକୁ ନେଇ ବଢ଼ିଲା ପ୍ରଶ୍ନ..., Sorry, my English is bad:)