ସିଂହନାଦ ନ୍ୟୁଜ୍ | ଭୁବନେଶ୍ୱର | ୨୯ ଜୁଲାଇ
ଅନଲାଇନ୍ ଠକେଇକୁ ରୋକିବା ପାଇଁ ଓଡ଼ିଶା ପୋଲିସ ରାଜ୍ୟବ୍ୟାପୀ 'ଅପରେସନ୍ ସାଇବର କବଚ' ନାମକ ସ୍ୱତନ୍ତ୍ର ଅଭିଯାନକୁ ଜୋରଦାର କରିଛି। ଏହି ଅଭିଯାନ ଅଧୀନରେ ସାଇବର ଅପରାଧରେ ବ୍ୟବହୃତ ମ୍ୟୁଲ୍ (ବେନାମୀ) ବ୍ୟାଙ୍କ ଆକାଉଣ୍ଟ ଚିହ୍ନଟ, ଯାଞ୍ଚ ଏବଂ ସମ୍ପୃକ୍ତ ଅଭିଯୁକ୍ତଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଚାଲିଛି।
ପୋଲିସ ସୂଚନା ଅନୁଯାୟୀ, ଭୁବନେଶ୍ୱର ଅର୍ବନ ପୋଲିସ ଜିଲ୍ଲାରେ ଶତାଧିକ ସନ୍ଦିଗ୍ଧ ବ୍ୟାଙ୍କ ଆକାଉଣ୍ଟ ଯାଞ୍ଚ କରାଯାଇଛି। ଏଥିସହ କେତେକ ମାମଲା ରୁଜୁ ହେବା ସହ ଅଭିଯୁକ୍ତଙ୍କୁ ଗିରଫ କରାଯାଇଛି। ରାଜ୍ୟର ବିଭିନ୍ନ ଜିଲ୍ଲାରେ ମଧ୍ୟ ଏହି ଅଭିଯାନ ଜାରି ରହିଛି।
ପୋଲିସ ସାଧାରଣ ଲୋକଙ୍କୁ OTP, ବ୍ୟାଙ୍କ ବିବରଣୀ କିମ୍ବା ପାସୱାର୍ଡ କୌଣସି ଅଜଣା ବ୍ୟକ୍ତିଙ୍କ ସହ ସେୟାର ନ କରିବାକୁ ପରାମର୍ଶ ଦେଇଛି। ସାଇବର ଠକେଇର ଶିକାର ହେଲେ ତୁରନ୍ତ ୧୯୩୦ ହେଲ୍ପଲାଇନ୍ରେ କିମ୍ବା ଜାତୀୟ ସାଇବର ଅପରାଧ ପୋର୍ଟାଲରେ ଅଭିଯୋଗ କରିବାକୁ କୁହାଯାଇଛି।
Thanks for reading: ସାଇବର ଠକଙ୍କ ବିରୋଧରେ କଡ଼ା ଆକ୍ସନ୍! ଭୁବନେଶ୍ୱରରେ ପୋଲିସର ସ୍ୱତନ୍ତ୍ର ଅଭିଯାନ ଜୋରଦାର, Sorry, my English is bad:)