ଭବାନୀପାଟଣା, ୨୧ ଜୁନ: ଡିଜିଟାଲ୍ ଯୁଗରେ ପୋଲିସ ସେବାକୁ ଲୋକଙ୍କ ଦ୍ୱାରପ୍ରାନ୍ତରେ ପହଞ୍ଚାଇବା ପାଇଁ ଆରମ୍ଭ ହୋଇଥିବା ଅନଲାଇନ୍ FIR ବ୍ୟବସ୍ଥା କଳାହାଣ୍ଡି ଜିଲ୍ଲାରେ ଅଚଳ ହୋଇପଡ଼ିଥିବା ଅଭିଯୋଗ ହେଉଛି। ଅନେକ ଅଭିଯୋଗକାରୀ ଅନଲାଇନ୍ରେ FIR ଦାଖଲ କରିଥିଲେ ମଧ୍ୟ ଦୀର୍ଘ ସମୟ ଧରି କୌଣସି ପଦକ୍ଷେପ କିମ୍ବା ତଦନ୍ତ ହେଉନଥିବାରୁ ସେମାନଙ୍କ ମଧ୍ୟରେ ଅସନ୍ତୋଷ ବଢ଼ିଛି।
ସୂଚନା ଅନୁସାରେ, ନାଗରିକ ପୋର୍ଟାଲ ମାଧ୍ୟମରେ ଦିଆଯାଉଥିବା ଅଭିଯୋଗ ଗୁଡ଼ିକ ସମ୍ପୃକ୍ତ ଥାନାକୁ ପହଞ୍ଚୁଥିଲେ ମଧ୍ୟ ଅନେକ କ୍ଷେତ୍ରରେ ତାହାର ଶୀଘ୍ର ସମାଧାନ ହେଉନାହିଁ। ଫଳରେ ଅଭିଯୋଗକାରୀମାନେ ପୁଣି ଥାନାକୁ ଦୌଡ଼ିବାକୁ ବାଧ୍ୟ ହେଉଛନ୍ତି।
ସାଧାରଣ ଲୋକଙ୍କ କହିବା କଥା, ଯଦି ଅନଲାଇନ୍ FIR ଦାଖଲ ପରେ ତୁରନ୍ତ କାର୍ଯ୍ୟାନୁଷ୍ଠାନ ନ ହୁଏ, ତେବେ ଏହି ବ୍ୟବସ୍ଥାର ଉପଯୋଗିତା ନେଇ ପ୍ରଶ୍ନ ଉଠିବା ସ୍ୱାଭାବିକ। ଅନ୍ୟପକ୍ଷରେ, ପୋଲିସ ବିଭାଗ ଅନଲାଇନ୍ ଅଭିଯୋଗ ଉପରେ ତ୍ୱରିତ ପଦକ୍ଷେପ ନେଇ ଲୋକଙ୍କ ବିଶ୍ୱାସ ଅତୁଟ ରଖିବାକୁ ବୁଦ୍ଧିଜୀବୀ ମହଳରେ ମତ ପ୍ରକାଶ ପାଇଛି।
Thanks for reading: କଳାହାଣ୍ଡିରେ ଅନଲାଇନ୍ FIR ବ୍ୟବସ୍ଥା ଅଚଳ! ଅଭିଯୋଗକାରୀଙ୍କ ମଧ୍ୟରେ ଅସନ୍ତୋଷ, Sorry, my English is bad:)