ଭବାନୀପାଟଣା, କଳାହାଣ୍ଡି: ଭବାନୀପାଟଣା ଅଞ୍ଚଳରେ ଜମି କାରବାରକୁ କେନ୍ଦ୍ର କରି ଦଲାଲ ରାଜ ବଢ଼ିବାର ଅଭିଯୋଗ ସାମ୍ନାକୁ ଆସିଛି। କେତେକ ଜମି ଦଲାଲ ତହସିଲ ଓ ରେଜିଷ୍ଟ୍ରି କାର୍ଯ୍ୟାଳୟର କିଛି କର୍ମଚାରୀଙ୍କ ସହ ମିଶି ଜମି କିଣାବିକ୍ରି ପ୍ରକ୍ରିୟାରେ ହସ୍ତକ୍ଷେପ କରୁଥିବା ଅଭିଯୋଗ ହୋଇଛି।
ଅଭିଯୋଗ ଅନୁସାରେ, ଦଲାଲମାନେ ଜମି ମାଲିକ ଓ ପ୍ରକୃତ କ୍ରେତାଙ୍କ ମଧ୍ୟରେ ସିଧାସଳଖ ଯୋଗାଯୋଗକୁ ବାଧା ଦେବା ସହ ଭୁଲ ତଥ୍ୟ ପ୍ରଦାନ କରି ଜମି ଦରକୁ କୃତ୍ରିମ ଭାବେ ବଢ଼ାଇ ଦେଉଛନ୍ତି। ଫଳରେ ସାଧାରଣ ଲୋକ ଆର୍ଥିକ କ୍ଷତିର ସମ୍ମୁଖୀନ ହେଉଥିବା ବେଳେ ଜମି କାରବାରରେ ସ୍ୱଚ୍ଛତା ନେଇ ପ୍ରଶ୍ନ ଉଠିଛି।
ଏହି ଘଟଣାକୁ ନେଇ ଜନସାଧାରଣଙ୍କ ମଧ୍ୟରେ ଅସନ୍ତୋଷ ବଢ଼ୁଥିବା ବେଳେ ଜିଲ୍ଲାପାଳଙ୍କ ନିକଟରେ ଏକ ଲିଖିତ ଅଭିଯୋଗ ଦାଖଲ ହୋଇଛି। ଅଭିଯୋଗକାରୀ ଘଟଣାର ନିରପେକ୍ଷ ତଦନ୍ତ, ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଏବଂ ଜମି ପଞ୍ଜିକରଣ ବ୍ୟବସ୍ଥାକୁ ଦଲାଲମୁକ୍ତ କରିବାକୁ ଦାବି କରିଛନ୍ତି।
ସ୍ଥାନୀୟ ଅଞ୍ଚଳରେ ଏହି ଘଟଣାକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ପ୍ରଶାସନ କିପରି ପଦକ୍ଷେପ ନେଉଛି, ତାହା ଉପରେ ସମସ୍ତଙ୍କ ନଜର ରହିଛି।
Thanks for reading: ଭବାନୀପାଟଣାରେ ଜମି ଦଲାଲ ରାଜ! ଜନସାଧାରଣଙ୍କ ଅସନ୍ତୋଷ ବଢ଼ିଲା, ଜିଲ୍ଲାପାଳଙ୍କ ହସ୍ତକ୍ଷେପ ଦାବି, Sorry, my English is bad:)