ଭୁବନେଶ୍ୱର, ( ସିଂହନାଦ ନ୍ୟୁଜ୍ ) ୧୨ ଜୁନ: ରଜ ପର୍ବର ଆଗମନ ସହ ରାଜଧାନୀ ଭୁବନେଶ୍ୱର ଏବେ ଉତ୍ସବର ରଙ୍ଗରେ ରଙ୍ଗାୟିତ ହୋଇଉଠିଛି। ସହରର ବିଭିନ୍ନ ସ୍ଥାନରେ ଦୋଳି ସଜା, ରଜ ଗୀତ, ସାଂସ୍କୃତିକ କାର୍ଯ୍ୟକ୍ରମ ଓ ପାରମ୍ପରିକ ଖେଳକୁ ନେଇ ଚାଲିଛି ଜୋରଦାର ପ୍ରସ୍ତୁତି। ଗଳିକନ୍ଦିରୁ ଆରମ୍ଭ କରି ବଡ଼ ବଡ଼ ପଡ଼ିଆ ପର୍ଯ୍ୟନ୍ତ ସବୁଠି ଶୁଣିବାକୁ ମିଳୁଛି ରଜର ମଧୁର ସ୍ୱର। ରଜ କେବଳ ଏକ ପର୍ବ ନୁହେଁ, ଏହା ଓଡ଼ିଆ ସଂସ୍କୃତି, ନାରୀତ୍ୱ ଓ ପ୍ରକୃତି ପ୍ରତି ସମ୍ମାନର ଏକ ଅନନ୍ୟ ପରମ୍ପରା। ନୂଆ ପୋଷାକ, ଅଳତା, ମେହେନ୍ଦି, ପୋଡ଼ପିଠା ଓ ଦୋଳିର ଆନନ୍ଦରେ ମସଗୁଲ ହେବାକୁ ପ୍ରସ୍ତୁତ ହେଉଛନ୍ତି ରାଜଧାନୀବାସୀ। ବଜାରରେ ମଧ୍ୟ ଦେଖିବାକୁ ମିଳୁଛି ଭିଡ଼ ଓ ଚଞ୍ଚଳତା। ଏପରିକି ଜନତା ମଇଦାନରେ ଚାଲିଥିବା ଆନ୍ତର୍ଜାତୀୟ ରଜ ଉତ୍ସବ ଓ ବାଣିଜ୍ୟ ମେଳା ଲୋକଙ୍କ ଆକର୍ଷଣର କେନ୍ଦ୍ର ପାଲଟିଛି। ହସ୍ତଶିଳ୍ପ, ଖାଦ୍ୟ ଷ୍ଟଲ୍, ସାଂସ୍କୃତିକ ପ୍ରଦର୍ଶନ ଓ ମନୋରଞ୍ଜନ କାର୍ଯ୍ୟକ୍ରମ ଉତ୍ସବର ମାହୋଲକୁ ଆହୁରି ରଙ୍ଗିନ କରିଛି। ପାହିଲି ରଜକୁ ଆଉ ଦୁଇ ଦିନ ବାକି ଥିବାବେଳେ ଭୁବନେଶ୍ୱରରେ ରଜର ଉତ୍ସାହ ଚରମ ସୀମାରେ ପହଞ୍ଚିଛି। ପାରମ୍ପରିକତା ଓ ଆଧୁନିକତାର ସୁନ୍ଦର ସମନ୍ୱୟ ମଧ୍ୟରେ ଏଥର ରଜ ପାଳନ ପାଇଁ ଅଧୀର ଅପେକ୍ଷାରେ ରହିଛନ୍ତି ସହରବାସୀ।
ସିଂହନାଦ ନ୍ୟୁଜ୍, ଭୁବନେଶ୍ୱର
Thanks for reading: ରଜ ପାଇଁ ସଜି ଉଠିଲା ଭୁବନେଶ୍ୱର, ଚାରିଆଡ଼େ ଉତ୍ସବର ମାହୋଲ, Sorry, my English is bad:)